کرکټ ملي لوبډله نن د ویسټ انډیز پر وړاندې لوبیږي

په بېنوا کي دلیکني شمیره : 66338
احمد فیصل
دخبریدو نیټه : 2016-03-26

د افغانستان د کرکټ ملي لوبډله نن د کابل پر وخت په یوه نیمه بجه په نړېوال شل اووریز جام کې خپله وروستۍ لوبه د ویسټ انډیز پر وړاندي ترسره کوي. ویسټ انډیز لوبډلې په خپل ګروپ کې درې لوبې کړې، چې ټولې یې ګټلې دي، خو بر عکس افغانستان بیا سیالو لوبډلو ته درې واړه لوبې بایللې دي. په نننۍ لوبه کې به افغانستان هڅه کوي، چې د دې لړۍ لږ تر لږه یوه لوبه په خپل نوم کړي، خو ویسټ انډیزي لوبغاړي به هم په دې امېد ډګر ته ځي، چې د دې لوبې په ګټلو سره په خپل ګروپ کې ناسوځېدلی پاتې شي. دې لوبډلې له وړاندې د شل اووریز نړېوال جام نیمه پایلوبې ته لاره موندلې ده.