موږ خپله هم چندان خلک نه یو
بیا مو ګران باچا جان کری راغی وطن ته
ملکیو عین اوغین ته یې ډالۍ کړه نقلي امېلونه
دواړو یې ناپاک لاسونه او پښې مچي کړې
هغه دواړو ته وکړه دسپين سترګي نصیحتونه
***
جهاد هله کیږي چی وي بدبوۍ د اشغال
هغه خاین دی چې کوي خوارۍ زارۍ د اشغال
دلته چې دهر سږمور زړه وسي واک ته
اوړو ته خپله خمیره سي ډوډۍ ته د اشغال
یو ډله مجاهد سي اشغال ته ښه راغلاست ووايي
بیا بله ډله مجاهد دځان په ګټه سي ډالۍ د اشغال
اشغال څه توپیرنه کوي د روس وي یا امریکا
دې خیرنو ته پاته دتاریخ دي ډرۍ د اشغال
داجاسوسان ولي اوس دومره امتیاز غواړي
ځکه هغوی د پردو ملکو دي جرړۍ د اشغال
ولي پاکستان برید نه کوي پرهندو ایران
دا زموږ حرمونیان خپله دي تندۍ د اشغال
ایران ولي مداخله نه کوي په چاره د تاجکستان
دبل په واک کې موږته رسي بادرۍ داشغال
ځان مه ختا باسه په دې ضد دمرمۍ موټرو
قسم دی ستا څوکۍ ده ټینګه ډبرۍ د اشغال
دوحدت مشران ټوله د وطنفروشي دلالان دي
هغوی ته رسي له اوله دغاړې پټۍ د اشغال
ښه برېتور مو اوس د پردو سوي سپیان دي
هر مجاهد اوس اغوستې ده لویه سدرۍ د اشغال
خدایه اخیرت زموږ ددې مخبرو سم کړي
چي په ولس ژوند ی تیروي مړۍ داشغال
یا خپله یو سم خاینان یا د خاین ښه دفاع کوو
زموږ ارګ هر وخت دی سپينه ماڼۍ د اشغال
چې دلته مو پوه او عالم د خاین نسي لکۍ
هیڅ وخت نه کامیابیږي دلته کوپړۍ د اشغال
ډالري تنخواوي زري موټر او لوی مقامونه
زموږکم انده پوهان کړي شینګړۍ د اشغال
دکري خبره به تر قانون خود لوړه وي دلته
دا ټولو پښتنو ته دپزې ده نتکۍ داشغال
وشرمیږئ شرم وکړئ مردارخورو وحدتیانو
ستاسو دی زهر سي واک او کوړۍ د اشغال
کوړۍ ( پیسه)، خوارۍ زارۍ ( هلی ځلی)،تندۍ ( لنګه غوا ) ډرۍ ( ملندۍ)، شینګړۍ ( برج ،کلاه)