په ننګرهار ولایت کې ملي او سرحدي پولیسو د تېرو څلرویشت ساعتونو په ترڅ کې دوه تنه د وسله والو طالبانو سره د اړېکو په تور او دوه تنه نور د جعلي پيسو د کاروبار په جرم نیولي دي .
د دغه ولایت د سره رود ولسوالۍ په مربوطاتو کې ملي پولیسو دوه تنه موسی خان او سردار محمد د وسله والو طالبانو سره د اړېکو لرلو په تور نیولي،چې د مګړۍ د امنیه قوماندانۍ د ترهګرۍ پر وړاندې د مبارزې په مدیریت کې تر څېړنو لاندې دي .
همدا راز سرحدي پولیسو په تورخم ښارګوټې کې د شمشاد په نوم یو خوړنځآی کې دوه تنه د جعلي پیسو کاروباریان نیولي دي .
یادو کسانو غوښتل چې ۱۲۲ زره پاکستانۍ جعلي کلدارې د تورخم په ښارګوټې کې وکاروي،چې د پیسو سره یو ځای لاس په لاس ونیول شول .
د معلوماتو له مخې نيول شوي کسان د پروان ولايت دغوربند ولسوالۍ اوسيدونکي دي