خصي سنډا

 
دسنډا د  بچي لا د زېږېدو درېمه ورځ پوره شوې نه  وه چې په ډرتو او ټوپونو يې کلی په سر راواخيست ،  سنډا  چې دکټي   ډرتې وليدې ، منډه يې کړه او پر څټ يې ورله خوله خښه کړه او ورو  يې ځانته رانږدې کړ، او په نصيحت يې ورته پيل وکړ : ګوره بچيه ته ډېر قوي او زورور يې  که  اسپ   ؟
څرګنده خبره ده  چې  اسپ   تر موږ ټولو  ډېر  قوي دی، ګورې چې سترګې يې  تړلي دي او په خوله کې يې  همېشه قيزه وي ، دا ځکه چې اسپ هم ستا غوندې بې عقله سرټنبګي کوله ، نو ځکه  پرې پاده وان  سترګي وتړلې او خوله يې ور قيزه کړه  ، ګوره بچيه چې اوس څنګه نېغ پخپله لاره  ځي  نه ډتې وهلی شي  او نه لتې ٠
ګوره  بچيه دا نرمه او پسته لکۍ دې هم پر  سر  ډېره  مه  را اړوه ، دا کارونه خو غويا کول چې د پاده وان  ورپام شو  او سم دواره يې هغه دی خصي کړ، ګوره د جړو غوندې تېره  تېره  يو يو ګز   ښکرونه يې شته ، ځواني   يې هم شته ،خو هغه پخوانی طاقت او مستي په کې نشته ٠
اوښ ته هم ښه وګوره چې د خولې تر څنګ يې ګونډې هم پرې تړلي دي او د ټول قوت سره سره بيا هم د پاده وان  له اجازې پرته  خپل غوږ هم نه شي رپولی٠
ما ته  خو  ګورې  چې د  سپېږمو نه  يې را  مهار کړی يم  ، او دا دی  په ټيټ سر درانه درانه بارونه راکاږم ٠
ما هم يو وخت  ستا غوندې  ډتې وهلې  نو ځکه مې دا حال شو  ،  هغه هوښيار او منوونکی شين خر وينې ، په معمولي ډرته ، پاده وان د پښې نه په موګي پورې راوتړلو ٠
نو بچيه ته دې  د پلار  نه ډېر قوي او زورو نه يې ، بې ځايه زور مه وهه ، لږ هوهښيار شه ، ګنې که د پاده وان درپام  شو په دا کچه عمر به دې خصي کړي٠
دا هوا ، فضا ،  شنه غرونه ، اوبه  او هره څه زموږ خپل دي بچيه  ، خو ګوره  مينت د پاده وان وړوو اوس ٠
 د هغې   غوږ بوچي بمبو سپي  د ځنځرونو ،نه هم  عبرت واخله ځان پخپله مه زولانه کوه٠

کامه