دخپریدو نیټه : 2015-05-16 مخپرونکئ : 128 - دبېنواخبریال - کابل
اشرفي: ښکېلې غاړې باید سولې ته پر جګړې لومړیتوب ورکړي
احمد فیصل
د پاکستان د علمانو شورا مشر طاهر اشرفي له افغان حکومت او وسله والو طالبانو غوښتي چې سولې ته پر جګړې لومړیتوب ورکړي. اشرفي چې یو وخت یې په افغانستان کې ځانمرګي بریدونه روا او روانه جګړه جهاد بللی و، د سولې له خبرو ملاتړ کړی دی. ده ویلي چې په افغانستان کې سوله په پاکستان کې د سولې په معنا ده. ده د طالبانو پر مشر ملامحمد عمر غږ کړی چې د جګړې پر ځای د سولې خبرو ته لومړیتوب ورکړي.
