د تاجکستان لومړی وزیر:په سیمه کې افغانستان رول مهم دی

افغانستان په سيمه كې مهم رول لوبوي، له همدې كبله دوشنبه غواړي له كابل سره اړيكې پراخې كړي.د تاجكستان لومړي وزير قاهر رسول زاده، چې د دوشنبې په ورځ يې د افغانستان له اجرايه رئيس عبدالله عبدالله سره په دوشنبه كې خبري ناستې ته خبرې كولې د كابل او دوشنبې تر منځ په دوستانه اړيكو ټينګار وكړ.اجرايه رئيس تر ده وړاندې پرون د تاجكستان له جمهور رئيس امام علي رحمان سره هم كتلي وو.قاهر رسول زاده، ترهګري، د نشه يي توكو قاچاق او سازمان شوي جرمونه هغه موارد ياد كړل چې اړتيا ده، دواړه هېوادونه يې پر وړاندې ګډه مبارزه وكړي.