دخپریدو نیټه : 2015-09-05 مخپرونکئ : 128 - دبېنواخبریال - کابل
د متحدو عربي اماراتو جنګي الوتکو په يمن کې بمباري کړې ده
احمد فیصل
د متحدو عربي اماراتو جنګي الوتکو په يمن کې په نويو هدفونو هوايي بريدونه کړي.دغه بريدونه له هغه وروسته کېږي چې د اماراتو ۴۵ سرتېري په يمن کې د حوثي ياغيانو د راکټ بريدونو له امله ووژل شول.د سعودي چارواکي وايي د حوثي ياغيانو راکټ بريدونو کې د دوی سرتېري هم وژل شوي دي.د سعودي پر مشرۍ ايتلافي ځواکونه غواړي چې د يمن جلا وطنی ولسمشر عبد ربه منصور هادي بېرته واک ته ورسوي.د ملګرو ملتونو په خبره له مارچ میاشتې راهیسې یمن کې د جګړو او سعودي عربستان په مشرۍ پوځي بریدونو کې تر ۴۵۰۰ پورې کسان وژل شوي چې ۲۱۱۰ يې ولسي وګړي دي.
