د لمانځه په نيت کښي خطاوتل :

فتوی نمبر   (۴۷۹)  . 

مفتي   :  ستر علمي او روحاني شخصيت علامه محقق محمد معين الدين أبوالفضل أفغاني ، کانَ اللهُ له ودَامَت برکاته  .

مستفتيه  :  سلیمه  /له جرمني څخه  .
 
علامه ابوالفضل صاحب السلام عليکم ورحمة الله وبرکاته  ، ستاسي محترم څخه ځما پوښتنه داده چي که يوڅوک دلمانځه نيت تړي نود نيت په وخت کي په خوله کي خطاوزي مثلادماپښين لمونځ کوي د ماځيګر وخت يې يادکړ ي اياپه دغه نيت سره لمونځ  وکړي نودغه لمونځ يې صحت لري اوکه يا   ؟

الجواب و هو الملهم للصواب   :

نحمده ونصلي علي رسوله الکريم
ستا د پوښتني جواب دادئ چي نيت د زړه کار دئ په خوله سره نيت کول مستحب دئ ، نو کچيري په زړه کښي نيت د أصلي لمانځه وي ، خو د خولې په نيت کښي غلطي راسي او د بل لمانځه نيت په خوله راسي نو هغه هيڅ پروا نلري  .
[وفيه أيضًا عزم علی الظهر و جری علی لسانه العصر يجزيه (الفتاوی الهندية ج۱ ص۶۶) ] .
والسلام ومن الله التوفيق ـ