ولي اولادپه نسب کي دپلارتابع وي؟

 مفتي   : 

 ستر علمي او روحاني شخصيت عَلامه مُحَقِّقْ مُحَمّدْ مُعِينُ الدِّين أبوالفضل أفغاني ، کانَ اللهُ له ودَامَت برکاته  .
مستفتي  :  سيمن خان  /جرمني  .

علامه ابوالفضل صاحب السلام عليکم ... ستاسي دروغ صحت او د لاموفقيت په هیله ،  قدرمنه پوښتنه مي داده چي اولاد ولي په نسب کي د پلار تابع ګرځي  ددې شرعي دليل څه دی او عقلي وجه يې کومه ده ؟

الجواب و هو الملهم للصواب  :

نحمده ونصلي علي رسوله الکريم :

محترمه وروره ! ددې خبري چي اولاد په نسب کښي په پلار پسي ځي يو دليل دا قول د الله (جل جلاله) دئ چي فرمايي : «وعلی المولودِ له رزقُهُنّ...» يعني او لازم دئ پر هغه چا باندي چي دده دپاره د وَلد ځوکړه سوېده (چي پلار دئ) رزق او نفقه د ښځو  .
پدغه قول کښي الله پاک پلار مَولود لَه بللئ دئ ، يعني چي ولَد دده دپاره ځيږول کيږي ، نو له دې څخه په صراحت سره دا معلومه سوه چي وَلد تابع د پلار دئ  .
او بل شرعي دليل يې دا قول د رسول (صلی الله عليه وسلم) دئ چي فرمايلي يې دي : «کل سبب و نسبٍ منقطعٌ يومَ القيامة الا سببي و نسبِيْ ، وکل وُلدِ آدم فان عصبتهم لأبيهِم ، ماخلا وُلدِ فاطمة فاني أنا أبوهُم و عصبتُهم»  [رسالة العلم الظاهر في النسب الطاهر للشامي : ص ۵] .
...........................................
او عقلي دليل يې دادئ چي د کوچني د بدن هډوکي ، پلې او رګونه کوم چي د بدن اساسي أجزآء دي د پلار له اوبو څخه پيدا کيږي ، او حُسن جمال ، چاغوالئ او ډنګروالئ يې (کوم چي عارضي شيان دي) د مور له اوبو څخه پيدا کيږي   .
[أنظر أحکام القرآن ج۲ ص ۲۳۵]  .    
والسلام  .