دحلال کسب لپاره شرعي اداب:

مفتي  :
ستر علمي او روحاني شخصیت علامه، محقق محمد معين الدين أبوالفضل ، افغاني کان الله له ودامت برکاته .

مستفتي:عبدالحق/مسکاو

درونداوقدرمن استاذمولانا ابوالفضل صاحب هيله کوو چي جوړ اوروغ ياست ، الله جل جلاله دي دژوندانه په چارو کښي کاميابه لره.
يوسړي چي يوحلال کسب کوي نو په شريعت کښي ددې کسب لپاره کوم قسم اداب  پکاراوضروردي‎؟

الجواب ومنه الصواب ـ

نحمده ونصلي علي رسوله الکريم

مشهور فقيه ابوالليث سمرقندي (رحمه الله) ويلي دي:
هرڅوک چي داغواړي چي دده کسب حلال وي نو دي بايد پنځه شيان په يادولري:
اول : داچي څه چي الله پاک پرده باندي  فرض کړيوي نوهغه پرخپل وقت کوي ،دکسب له وجي دي هيڅ ځنډ او تاخير دالله جل جلاله په عبادت کښي نه کوي.
دوهم : داچي دالله جل جلاله  مخلوق نه ازاروي.
دريم : داچي نيت به يې دمال جمع اودمال ډېروالئ نه وي ، بلکي نيت به يې دخپل ځان اوعيال  له حراموڅخه پاک ساتل وي.
څلورم : داچي ځان به په کسب ترحد زيات نه مصروفه کوي.
پنځم : داچي داعقيده به لري چي رزق اوروزي دالله جل جلاله له طرفه ده ، کسب يې صرف سبب دئ.
تنبیه الغافلین ص کذافی الکویتیة].
والسلام ومن الله التوفيق.